Өнөөдөр 15 цагийн орчимд “Гэгээнтэн” цогцолбор хороолол байрлах “Гэгээнтэн энтертайнмент” төвийн нэг давхрын Hotpot ресторан руу холбогддог хий дамжуулах хоолой дэлбэрчээ.

Нийслэлийн онцгой байдлын газар болон яаралтай түргэн тусламжийн төвийнхэн газар дээр нь ажиллаж байгаа бөгөөд хүний амь эрсдээгүй, бэртэж гэмтээгүй болохыг мэдээллээ.

Одоогоор уг газарт үзлэг хийж байгаа учраас мэдээлэл өгөх боломжгүй гэв.

Харин “Гэгээнтэн” цогцолбор хороололд хийн хоолой дэлбэрснээс урд талд нь байрлах “Оргил стар” хотхоны айлд хүчтэй дуу гарч, хаалга доргисон байна.

Онцгой байдлын хоёр, яаралтай түргэн тусламжийн хоёр машин хийн хоолой дэлбэрсэн газарт ирээд явсан гэдгийг тус хотхоны оршин суугч мэдээллээ.