“Оюу толгой” ХХК өөрийн санхүүжилтээр барьсан цахилгаан дамжуулах агаарын шугамыг “Цахилгаан дамжуулах үндэсний сүлжээ” ТӨХК-ийн өмчлөлд шилжүүлэх, ашиглалт засвар үйлчилгээг хариуцах гэрээнд гарын үсэг зурах ажиллагаа өнөөдөр болно.

Энэхүү агаарын шугам нь Өмнөговь аймаг дахь “Оюу толгой” уурхайн цогцолбороос Монгол улс болон БНХАУ-ын хил хүртэл 96 км үргэлжилж байгаа юм.

Гарын үсэг зурах ёслол 11.00 цагт Эрчим хүчний яамд болох бөгөөд яам болон “Оюу толгой” ХХК-ний удирдлагууд оролцоно.