МИАТ-ийн онгоц 60 гаруй зорчигчтойгоор Австралийн Брисбен хот руу Сингапураар дамжин ниссэн байна.

Улаанбаатар-Сингапур-Брисбен чиглэлийн онгоц арванхоёрдугаар сарын 12-ны 18:00 цагт Чингис хаан нисэх буудлаас хөөрчээ. Уг нислэгийг Оюутолгой ХХК-ийн захиалгат нислэг гэх бөгөөд уг мэдээллийн дагуу Шадар сайдын хэвлэлийн ажилтнаас тодруулахад "Улаанбаатараас 60 гаруй хүнтэй яаралтайгаар ниссэн. Хүнээ буулгачаад буцаад ирнэ" гэв.  Яагаад Австралиас монголчуудаа авчирч болоогүй вэ?" гэсэн асуултад "яаралтай учраас тэнд байгаа хүмүүс бэлэн биш байгаа" гэсэн юм.

Оюутолгой ХХК-ийн Хамтын ажиллагаа, мэдээлэл харилцааны газрын Eрөнхий менежер Э.Лхагва "Брисбэн рүү ниссэн МИАТ-ын нислэгээр манай ажиллагсад гэртээ харьсан нь үнэн. 5-11 сар гэртээ хариагүй сунаж ажилласан гадаад ажиллагсад нутаг буцсан. Энэ онгоц буцаад зөвхөн ачаа ачаад зорчигчгүй буцсаныг албан ёсоор дуулгая. Бид УОК-ын зөвшөөрлийн дагуу чартер нислэгүүдийг МИАТ компани бусад улсын Засгийн газар, агаарын зам, нисэх буудлуудын зөвшөөрлийн дагуу улсын нөөцийг (хязгаарлах байр, төсөв) ашиглахгүй халдвар хамгааллын өндөр дэглэм зохион байгуулж байгаа" гэв.