Цагдаа нар БНХАУ-ын хилээр хар тамхи нэвтрүүлэхийг завдсан хэргийг таслан зогсоожээ. Эрүүгийн цагдаагийн газрын хар тамхитай тэмцэх хэлтсийн албан хаагчид Дорноговь аймгийн Замын-Үүд сумын цагдаагийн хэлтэстэй хамтран Монгол Улсын иргэн А, Э нар нь хар тамхи, мансууруулах бодисын төрөлд орох мөс хэмээх бодисыг зарж борлуулахаар оруулж ирэх үед саатуулжээ.

Түүнчлэн илгээмжээр БНХАУ-аас мөс оруулж ирсэн Т гэх этгээдийг цагдаа нар баривчилжээ. Хэргийг Эрүүгийн цагдаагийн газрын Хар тамхитай тэмцэх хэлтэст шалгаж байна.

Б.Заяа