"Катар 2022" ДАШТ-ий шигшээ 16 шатны сүүлчийн тоглолт 2016 оны Европын аварга Португал болон Швейцарын хооронд болоход Португал хожлоо.

Криштиану Роналду, Жоаү Канселу, Рубен Невеш тэргүүтнийг сэлгээнд суулгаж олныг гайхуулсан Португал 17 дахь минутад эхний гоолыг оруулсан. Шигшээ багийнхаа амьд домгийн оронд гараанд гарсан 21 настай довтлогч Гонкалу Рамош хаалгачийн баруун дээд буланд бөмбөг шигтгэв.

Харин 33 дахь минутад багийн хамгийн ахмад тоглогч 39 настай Пепе мөргөж гоолдсон нь Португалын дэмжигчдийг баярлуулсан.

Төвийн хамгаалагч Нико Элведиг бэртлийн улмаас тоглуулаагүй Швейцарын хамгаалалт энэ өдөр ажилласангүй. Хоёрдугаар үе эхлээд 10 минутын дотор дахин гурван гоол орж үзэгчдийг баясгав.

51 дэх минутад Рамош, 55 дахь минутад Рафаэл Герреро багийнхаа дөрөв дэх, 58 дахь минутад Мануэл Аканжи Швейцарын эхний гоолуудыг тус тус оруулсан.

Гарааны эрс шинэчлэл, сөрөг довтолгоонд туйлын тохирсон Жоаү Феликсийн тоглолт Португалыг шөвгийн наймд хүргэх нь 67 дахь минутад тодорхой болсон. Гонкалу Рамош энэ дэлхийн аваргын анхны hat-trick(3 гоол)-ыг толилуулав.

Сэлгээгээр талбайд орсон Рафаэл Леау 90+2 дахь минутад Португалын гоолын тоог нэгээр нэмснээр Португал шөвгийн наймд шалгарч Швейцар тэмцээнээ дуусгалаа.

Гарааны бүрэлдэхүүн:

Хүснэгт:

Voo аппликейшн татах

• Android
• iOS