Их Монголын Хүчтэн Дэвжээнээс санаачлан зохион байгуулсан шилдэг аймгийн начингуудын багийн халз барилдаан амжилттай боллоо. "Завхан" дэвжээнээс: 

Аймгийн нэмэх, өсөх начин Б.Даваадорж
Аймгийн нэмэх, өсөх начин М.Амарсанаа
Аймгийн начин Б.Ганзолбоо
Аймгийн начин Д.Батхүрэл
Аймгийн начин Н.Бямбажаргал
Аймгийн начин Т.Хайдавдорж нар,

Их Монголын Хүчтэн Дэвжээнээс: 
Аймгийн нэмэх начин С.Галданцогт
Аймгийн начин Ж.Бямбадонид
Аймгийн начин Н.Загархорол
Аймгийн начин Н.Даваадагва
Аймгийн начин Н.Даваадорж
Аймгийн начин Б.Бямбадорж нар хүч үзэв.

Эхний тойргуудад "Завхан" дэвжээний бөхчүүд хошуучилсан бол сүүлийн тойргуудад Их Монголын Хүчтэнүүд шийдэмгий барилдсаар даваа унаа тэнцэв. Нэмэлт тойрогт сугалаагаар 5:5 барилдахад Өвөрхангайн залуус илүү давж, ялагчаар тодорсон юм.

Завхан дэвжээний бөх, аймгийн нэмэх, өсөх начин үндсэн барилдаанд бүгдэд нь давсан бөгөөд нэмэлт барилдаанд ч мөн давж, долоон даваатайгаар хувийн дүнгээр тэргүүлэв. Их Монголын Хүчтэн Дэвжээний бөх аймгийн начин Б.Бямбадорж үндсэн барилдаанд тав, нэмэлт барилдаанд мөн нэг давж, нийт зургаа даван, хувийн дүнгээр дэд байрт шалгарлаа.

Т.Түмэндэмбэрэл