Өмнөговь аймгийн Засаг даргын Тамгын газар, Байгаль орчин аялал жуулчлалын газар, Монгол банхар судлалын төвтэй хамтран "Ирвэс болон малчдын зөрчлийг бууруулахад чиглэсэн нөлөөллийн ажил"-г Өмнөговь аймгийн ховор ан амьтадтай бүс нутгийн малчин өрхүүдэд хэрэгжүүлнэ.

Монгол банхрыг нутагшуулах замаар "Хүн-Ховордсон араатан амьтны" зөрчлийг бууруулах, таслан зогсоох, экосистемийг хамгаалах зорилтын хүрээнд долоон суманд Монгол банхарын 33 гөлгийг нутагшуулах “ Говийн эзэн 2023” төслийг хэрэгжүүлж эхэллээ.