- "Катар 2022" ДАШТ-д оролцох шигшээ багуудын бүрэлдэхүүнийг цувралаар танилцуулъя -

Серби улсын шигшээ баг "Катар 2022" хөл бөмбөгийн ДАШТ-д оролцох шилдэг 26 тоглогчоо зарлалаа. Жилээс жилд шилдэг хамгаалагчдаараа гайхагддаг байсан Сербийн шигшээ багт энэ жил довтлогч арвин байна. 

Дасгалжуулагч Драгон Стойкович Катарт тоглох бүрэлдэхүүндээ бэртэлтэй байсан довтлогч Душан Влаховичийг нэрлэсэн.

Өнгөрсөн сарын 25-аас хойш тоглоогүй Влаховичийн бэртэл эдгэвэл Fulham-ын довтлогч Александар Митровичтой хослох нь гарцаагүй.

Мөн Италийн Serie A лигт тоглодог ах дүү Милинкович-Савич хамтдаа Катарыг зорьсон байна.

Багийн хамгийн ахмад тоглогч нь 33 настай Душан Тадич бол хамгийн залуу нь 21 настай Страхиня Эракович, Иван Илич нар юм. Багийн дундаж нас 26.8 байна.

Энэ 26 тоглогч ДАШТ-ий G хэсэгт Швейцар, Камерун, Бразилын шигшээ багтай тоглоно.