Архангай аймгийн Булган сумын Тамир багийн “Асгат” гэдэг газар нэгдүгээр сарын 8-ны өдөр дөрвөн хүн самар түүж байснаас иргэн У-нь сураггүй алга болжээ.

Энэ тухай дуудлагыг нэгдүгээр сарын 9-ний өдрийн 01:15 цагт Онцгой байдлын газар өгсөн байна. Тус аймгийн Онцгой байдлын газрын Эрэн хайх, аврах салбарын алба хаагчид тус аймгийн иргэн У /25 настай, эрэгтэй/-ыг эрэн хайх ажиллагааг зохион байгуулж байна.