Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
22
Саудын Арабын хаант улсад болсон “Ирээдүйн эрдэс баялаг” олон улсын хурал болж өнгөрсөн.
Энэ хурлаар иргэдийн уул уурхайн салбарт хандаж буй сөрөг хандлага, Индонез, Бразил, БНХАУ, ӨАБНУ дахь хариуцлагагүй уул уурхайн жишээ, тойрог эдийн засаг гэх мэт өргөн хүрээг хамарсан хэлэлцүүлгүүд өрнөв. Улс орнууд хямд үнийн бодлогоор өрсөлдөж, байгаль орчинд сөрөг нөлөө үзүүлж байгааг шүүмжлэв. Лондоны металлын биржийн гүйцэтгэх захирал Мэтью Чэмбэрлайн "Бид хариуцлагагүй уул уурхайн төсөл хэрэгжүүлсэн компанийг бирждээ бүртгэдэггүй, хувьцааг нь арилждаггүй" гэв.
Уул уурхайн засаглал судлаач О.Батболд Саудын Арабын хаант улсад болсон “Ирээдүйн эрдэс баялаг” олон улсын хуралд оролцсон тул түүнтэй ярилцав.
-Дөрөв дэх удаагийн чуулганд 90 орны төлөөлөл оролцлоо. Үүний 16 орон нь их 20 улсын төлөөлөл байв. Ирээдүйд чухал ашигт малтмал буюу критикал минерал хэр чухал болж байгааг хуралд оролцогчдын оролцоо харууллаа. Энд хэлэлцэж буй сэдэв, хурлын цар хүрээ нь уур амьсгалын өөрчлөлттэй холбоотойгоор чухал ашигт малтмалын эрэлт, хэрэгцээ ирээдүйд улам өсөн нэмэгдэх нь ажиглагдаж байна.
Хурлын эхний өдөр Сайд нарын зөвлөлдөх уулзалт болов. Энэ хурал хаалттай буюу хүссэн бүхэн орох боломжгүй болдог. Уул уурхай, эрдэс баялаг, эрчим хүчний сайд нар энэ салбарт хэрхэн хамтарч ажиллах, уур амьсгалын өөрчлөлтийн эсрэг хэрхэн нэгдэхээ ярилцлаа.
Мөн энэ жилээс НҮБ-аас уг форумыг дэмжиж, чиглүүлэх байдлаар оролцсон нь онцлог байлаа. Үүнээс гадна 50 гаруй олон улсын байгууллагын төлөөлөл оролцов. Хурлаар хэлэлцэж буй нэг чухал асуудал нь чухал ашигт малтмалын салбарт стратегийн чиглэлээр хэрхэн хамтарч ажиллах юм.
Нөгөөтээгүүр, бүх талын оролцоог хангасан шинэ инновацыг чухал ашигт малтмалын хайгуул, олборлолтод нэвтрүүлэх зэрэг юм. Монгол сүүлийн 2-3 жилд чухал ашигт малтмалын талаар ярилцдаг, хэлэлцдэг болсон. Гэхдээ энэ удаа төрийн төлөөлөл энэ хуралд оролцоогүй ч мэргэжлийн холбоод, сэтгүүлчдийн төлөөлөл оролцсон нь энэ сэдэв дэлхийд хэрхэн хүчтэй яригдаж буйг анзаарсан хэрэг. Тэр дундаа хөрөнгө оруулалтын нөхцөл байдал, критикал минералын онцлогийг харгалзан хэрхэн хайгуул, олборлолт явуулах загварыг харах нь чухал юм.
Монгол Улс энэ эрдсийн тодорхой нөөцтэй. Мэдээж хайгуул хийх, олборлолт явуулах нь тодорхой. Тиймээс энэ салбарт эртнээс нэгдэж, хөрөнгө оруулалт татахад оролцох нь чухал гэж бодож байна. Монгол Улс чухал ашигт малтмалын чиглэлд анхаарахаас өөр аргагүй гэдэг нь харагдаж байна гэв.
Саудын Арабын хаант улсад болсон “Ирээдүйн эрдэс баялаг” олон улсын хурал болж өнгөрсөн.
Энэ хурлаар иргэдийн уул уурхайн салбарт хандаж буй сөрөг хандлага, Индонез, Бразил, БНХАУ, ӨАБНУ дахь хариуцлагагүй уул уурхайн жишээ, тойрог эдийн засаг гэх мэт өргөн хүрээг хамарсан хэлэлцүүлгүүд өрнөв. Улс орнууд хямд үнийн бодлогоор өрсөлдөж, байгаль орчинд сөрөг нөлөө үзүүлж байгааг шүүмжлэв. Лондоны металлын биржийн гүйцэтгэх захирал Мэтью Чэмбэрлайн "Бид хариуцлагагүй уул уурхайн төсөл хэрэгжүүлсэн компанийг бирждээ бүртгэдэггүй, хувьцааг нь арилждаггүй" гэв.
Уул уурхайн засаглал судлаач О.Батболд Саудын Арабын хаант улсад болсон “Ирээдүйн эрдэс баялаг” олон улсын хуралд оролцсон тул түүнтэй ярилцав.
-Дөрөв дэх удаагийн чуулганд 90 орны төлөөлөл оролцлоо. Үүний 16 орон нь их 20 улсын төлөөлөл байв. Ирээдүйд чухал ашигт малтмал буюу критикал минерал хэр чухал болж байгааг хуралд оролцогчдын оролцоо харууллаа. Энд хэлэлцэж буй сэдэв, хурлын цар хүрээ нь уур амьсгалын өөрчлөлттэй холбоотойгоор чухал ашигт малтмалын эрэлт, хэрэгцээ ирээдүйд улам өсөн нэмэгдэх нь ажиглагдаж байна.
Хурлын эхний өдөр Сайд нарын зөвлөлдөх уулзалт болов. Энэ хурал хаалттай буюу хүссэн бүхэн орох боломжгүй болдог. Уул уурхай, эрдэс баялаг, эрчим хүчний сайд нар энэ салбарт хэрхэн хамтарч ажиллах, уур амьсгалын өөрчлөлтийн эсрэг хэрхэн нэгдэхээ ярилцлаа.
Мөн энэ жилээс НҮБ-аас уг форумыг дэмжиж, чиглүүлэх байдлаар оролцсон нь онцлог байлаа. Үүнээс гадна 50 гаруй олон улсын байгууллагын төлөөлөл оролцов. Хурлаар хэлэлцэж буй нэг чухал асуудал нь чухал ашигт малтмалын салбарт стратегийн чиглэлээр хэрхэн хамтарч ажиллах юм.
Нөгөөтээгүүр, бүх талын оролцоог хангасан шинэ инновацыг чухал ашигт малтмалын хайгуул, олборлолтод нэвтрүүлэх зэрэг юм. Монгол сүүлийн 2-3 жилд чухал ашигт малтмалын талаар ярилцдаг, хэлэлцдэг болсон. Гэхдээ энэ удаа төрийн төлөөлөл энэ хуралд оролцоогүй ч мэргэжлийн холбоод, сэтгүүлчдийн төлөөлөл оролцсон нь энэ сэдэв дэлхийд хэрхэн хүчтэй яригдаж буйг анзаарсан хэрэг. Тэр дундаа хөрөнгө оруулалтын нөхцөл байдал, критикал минералын онцлогийг харгалзан хэрхэн хайгуул, олборлолт явуулах загварыг харах нь чухал юм.
Монгол Улс энэ эрдсийн тодорхой нөөцтэй. Мэдээж хайгуул хийх, олборлолт явуулах нь тодорхой. Тиймээс энэ салбарт эртнээс нэгдэж, хөрөнгө оруулалт татахад оролцох нь чухал гэж бодож байна. Монгол Улс чухал ашигт малтмалын чиглэлд анхаарахаас өөр аргагүй гэдэг нь харагдаж байна гэв.