Офицерын тойргоос Чулуун овооны тойрог хүртэлх авто замыг шинэчилж, хөдөлгөөнийг нээжээ.

Тус хэсгийн авто замыг есдүгээр сарын 13-ны 23:00 цагаас 16-ны 06:00 цагийн хооронд хааж, шинэчилсэн юм. Инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажлыг гүйцэтгэсэн.

Мөн Зурагтын эцсээс Чингэлтэй дүүргийн 7 дугаар хорооны авто зам хүртэлх замын засварын ажлыг төлөвлөсөн хугацаанаас өмнө дуусгаж тээврийн хэрэгслийн хөдөлгөөнийг нээсэн байна.

Эх сурвалж: Нийслэлийн Замын хөгжлийн газар