Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монгол банкны Мөнгөний бодлогын Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчийн томилгооны сонсгол болж байна.

Дараах албан тушаалуудад нэр дэвшээд буй хүмүүс:

• Санхүүгийн зохицуулах хорооны даргад нэр дэвшигч Т.Жамбаажамц
• Санхүүгийн зохицуулах хорооны Хяналтын зөвлөлийн дарга, гишүүнд нэр дэвшигч О.Оч
• Санхүүгийн зохицуулах хорооны Хяналтын зөвлөлийн дарга, гишүүнд нэр дэвшигч М.Буяндэлгэр
• Санхүүгийн зохицуулах хорооны Хяналтын зөвлөлийн дарга, гишүүнд нэр дэвшигч Б.Энхбаяр
• Санхүүгийн зохицуулах хорооны орон тооны бус гишүүнд нэр дэвшигч Л.Сонор
• Үндэсний статистикийн хорооны зөвлөлийн гишүүнд нэр дэвшигч Г.Золбоо
• Үндэсний статистикийн хорооны зөвлөлийн гишүүнд нэр дэвшигч А.Даваасүрэн
• Үндэсний статистикийн хорооны зөвлөлийн гишүүнд нэр дэвшигч Т.Гарамжүгдэр
• Үндэсний статистикийн хорооны зөвлөлийн гишүүнд нэр дэвшигч Д.Мягмарцэрэн
• Монголбанкны Хяналтын зөвлөлийн гишүүнд нэр дэвшигч Т.Тэлмэн
• Монголбанкны Хяналтын зөвлөлийн гишүүнд нэр дэвшигч У.Хосжаргал
• Монголбанкны Хяналтын зөвлөлийн гишүүнд нэр дэвшигч Д.Энхжаргал
• Монголбанкны Хяналтын зөвлөлийн гишүүнд нэр дэвшигч Г.Эрдэнэбаяр
• Монголбанкны Хяналтын зөвлөлийн гишүүнд нэр дэвшигч Н.Ууганбаатар
• Монголбанкны Хяналтын зөвлөлийн гишүүнд нэр дэвшигч С.Лхагвадорж
• Монголбанкны Мөнгөний бодлогын хорооны орон тооны бус гишүүнд нэр дэвшигч Р.Даваадорж
• Монголбанкны Мөнгөний бодлогын хорооны орон тооны бус гишүүнд нэр дэвшигч Б.Мөнхзаяа
• Монголбанкны Мөнгөний бодлогын хорооны орон тооны бус гишүүнд нэр дэвшигч Н.Батнасан

УИХ-ын гишүүн, Эдийн засгийн байнгын хорооны гишүүн Л.Лодойсамбуу Санхүүгийн зохицуулах хорооны даргад нэр дэвшигч Т.Жамбаажамцаас "Таны нэрийг УИХ-ын дарга оруулж ирсэн. Та тэр хүнийг яаж таньдаг вэ. Таньдаг бол хэзээ танилцаж байсан бэ. Бид уг нь мерит зарчим яриад байгаа хэр нь нэг дарга хүний нэрийг оруулж ирээд олонх нь намынхаа хүнийг дэмждэг баймааргүй байгаа юм. Харамсалтай нь хууль нь ийм л дээ. Яг ийм улс төрийн томилгооноос болоод төрийн бүх асуудал эхэлдэг" хэмээлээ.

Тэр хэрэв СЗХ-ны дарга болбол зээлийн хүүг бууруулахад анхаарч ажиллана гэв.

Хариуд нь Т.Жамбаажамц "УИХ-ын даргатай танил тал, найз нөхдийн холбоо бий юу л хэмээн асууж байна гэж ойлголоо. СЗХ-ны даргыг УИХ-ын дарга нэр дэвшүүлэх хуулийн зохицуулалттай, энэ хүрээнд нэр дэвшүүлсэн. Би УИХ-ын даргыг танихгүй, уулзаж ч үзээгүй, танил тал биш.  Харин нэр дэвших бололцоотой, туршлага мэдлэгийн хувьд тохиромжтой гэж үзэн миний нэрийг дэвшүүлсэн байх гэж найдаж байна" гэлээ.

Санхүүгийн зохицуулах хорооны даргад нэр дэвшигч Т.Жамбаажамц нь салбартаа 19 жилийн туршлагатай аж. Тэрбээр хэрэв СЗХ-ны дарга болбол зээлийн хүүг бууруулахад анхаарч ажиллана гэв. Тодруулбал "Улс орнууд зээлийн хүүндээ тодорхой хязгаар тогтоосон жишгүүд байна. Үүнийг судалсан. СХЗ-ны дэргэд Мөнгөн зээлийн зөвлөл ажиллаж буй. Энэ нь Монголд анх удаа хэрэглээний зээлийн хүүгийн хязгаарыг тогтоож үзэхэд шүүхийн маргаан гарсан. Тэгэхээр зээлийн хүүг бууруулахад чиглэлд тэтгэвэр, даатгалын санд, хөрөнгийн зах зээлд тодорхой хуримтлал үүсгэж ААН-үүд урт хугацаанд санхүүжилтээ татдаг, хөрөнгө оруулалт хийдэг боломжийг эрэлхийлсэн урт хугацааны, хүү багатай зээлтэй байхад анхаарч ажиллана" гэлээ.

Түүний боловсрол:

• Санхүү Эдийн Засгийн Их Сургууль, Бизнесийн удирдлагын магистр;
• Монгол Улсын Их Сургууль, Хууль зүйн сургууль, Олон улсын эрх зүйч мэргэжлээр бакалавр.

Ажил эрхэлсэн байдал:

• 2016 оны 8 дугаар сараас одоог хүртэл Санхүүгийн зохицуулах хорооны Ажлын албаны дарга;
• 2015-2016 онд Санхүүгийн зохицуулах хорооны Хяналт шалгалтын газрын орлогч дарга;
• 2014-2015 онд Санхүүгийн зохицуулах хорооны Үнэт цаасны газрын дарга;
• 2013-2014 онд Санхүүгийн зохицуулах хорооны Хөрөнгийн зах зээлийн бодлого, төлөвлөлтийн хэлтсийн дарга;
• 2011-2013 онд Санхүүгийн зохицуулах хорооны Үнэт цаасны газрын ахлах хянан шалгагч;
• 2009-2011 онд Санхүүгийн зохицуулах хорооны Үнэт цаасны газрын хянан шалгагч;
• 2007-2009 онд Санхүүгийн зохицуулах хорооны Үнэт цаасны газрын мэргэжилтэн;
• 2006-2007 онд Санхүүгийн зохицуулах хорооны Хяналт шалгалтын газрын мэргэжилтэн.