Хүй долоон худгийн ногоон дэнжид үндэсний их баяр наадам үргэлжилж байна. Өнөөдөр азарга болон их насны хурдан хүлгүүд уралдаж, Соёлын наадмын талбай наадамчин олонд урлагийн болон соёлын үзвэр, үйлчилгээг үзүүлж байна.

Хүй долоон худагт өнөөдөр 28 градус гэж зааж байсан боловч нартай, халуун байв. Барианы зурхайг усалж буй машинууд, мөн агаар чийгшүүлэх зориулалт бүхий машинуудыг ажиллуулж байгаа нь халууцсан иргэдэд тун таатай байв.

Хамгаалалтад зогсож буй цагдаагийн алба хаагчид сэрүүцэж, хүүхдүүд усалгааны машиныг дагаж гүйн сэрүүцэж байв.