Улаанбаатар хотын гэрлийн шонгууд зар сурталчилгааны самбар болоод удаж байна. “Ууц чанана, компьютер дуудлагаар форматална, масссаж хийнэ” гэх мэт эдгээр зарын цаана олон хүний ажил амьдрал байгаа ч хотынхоо өнгө үзэмж, цэвэр цэмцгэр байдлын төлөө тохижилт үйлчилгээний компанийнхан гэрлийн шонгуудыг цэвэрлэж эхэлжээ.

"Хот тохижилтын газар" ОНӨААТҮГ-ынхан өнгөрсөн хоёрдугаар сарын 21-нээс эхлэн гэрлийн шон дээр наасан зарлалуудыг хуулж цэвэрлэж байна.

Тэд зарлалын дагуух утсаар холбогдож, дахиж наахгүй байхыг анхааруулсан ч үр дүн муутай байна гэж тохижилт үйлчилгээний байгууллагын ажилтнууд сэтгэл дундуур байна. Иймд холбогдох байгууллагууд нь арга хэмжээ авах зайлшгүй шаардлагатай байгааг анхааруулжээ.