Зэвсэгт хүчний 96 жилийн ой, Монгол цэргийн өдрийг тохиолдуулан Онцгой байдлын асуудал эрхэлсэн байгууллагад олон жил үр бүтээлтэй, амжилт гарган ажилласан албан хаагчдыг төрийн дээд медалиар шагнаж урамшуулан, цол олголоо.

Монгол Улсын Ерөнхийлөгчийн зарлигаар,

Цэргийн Гавьяаны Улаан тугийн одонгоор Гамшиг судлалын хүрээлэнгийн Гамшиг судлалын төвийн дарга, хошууч генерал П.Даш, ОБЕГ-ын Захиргааны удирдлагын газрын дарга, хурандаа Л.Болдбаатар, ОБЕГ-ын Гал түймэртэй тэмцэх газрын дарга, хурандаа С.Залуухүү, НОБГ-ын Баянзүрх дүүргийн Онцгой байдлын хэлтсийн дарга, дэд хурандаа Л.Цэрэндаваа,

Цэргийн Гавьяаны одонгоор Аврах тусгай ангийн Сургалт соёл хүмүүжлийн ажил хариуцсан мэргэжилтэн, ахлах дэслэгч С.Батдалай, ХСИС-ийн ХСУА-ийн профессор, хурандаа Г.Буянтогтох, Аврах тусгай ангийн ахмад ажилтан, Ч.Бат-Өлзий, Үндэсний аюулгүй байдлын зөвлөлийн Онцгой байдал хариуцсан орон тооны бус шинжээч, Ш.Болдбаатар, Мэдээлэл шуурхай удирдлагын төвийн Онцгой байдлын хэлтсийн Ерөнхий зохицуулагч, хурандаа Д.Ганболд, Нийслэлийн Онцгой байдлын газрын нийслэлийн Аврах анги-105-ын шуурхай салбарын хүний их эмч, хошууч Х.Энхбат,

“Алтан гадас одон”-гоор Хүнсний нөөцийн салбарын барааны нярав, ахлах ахлагч Г.Аравжих, Аврах тусгай ангийн ахлах нягтлан бодогч, дэд хурандаа Г.Батбаатар, Аврах тусгай ангийн ахмад ажилтан, Л.Цэцэгмаа,

“Хөдөлмөрийн гавъяаны улаан тугийн одон”-гоор Онцгой байдлын ерөнхий газрын ахмад ажилтан, бэлтгэл хурандаа Б.Эрдэнэцэцэг,

“Хөдөлмөрийн хүндэт медаль”-аар Аврах тусгай ангийн Эрэн хайх аврах салбарын аврах багаж хэрэгслийн техникч, ахмад Д.Батболд, Аврах тусгай ангийн үйлчлэгч, Ж.Мөнхцэцэг, Объект-03 салбарын нярав, ахлах ахлагч Л.Нямсүх, өвсний нярав, ахлах ахлагч Ч.Амгалан, Хүнсний нөөцийн салбарын харуул Р.Чулуунбаатар нарыг тус тус шагналаа.

Мөн олон албан хаагчид “Цэргийн Хүндэт медаль”, “Шударга журам медаль”, Онцгой байдлын ерөнхий газрын “Жуух бичиг”-гээр шагнаж, цөөнгүй хүнд цол олгосон байна.