Замын хөдөлгөөний аюулгүй байдалд явган зорчигчийн үүрэг оролцоо чухал хамааралтай байдгийг Замын хөдөлгөөний пүрэм, Замын хөдөлгөөний аюулгүй байдлын тухай хуульд заасан. Тухайлбал,

• Явган зорчигчийн буруугаас шалтгаалсан ослыг дараах байдлаар тодорхойлно.
• Явган хүний гарцын шугам, гарамгүй газраар зам хөндлөн гарах
• Гэрлэн дохио зөрчиж зам хөндлөн гарах
• Ойртон ирж яваа тээврийн хэрэгслийн урдуур зам хөндлөн гүйх
• Зогсож буй автомашины урдуур буюу автобуснаас буугаад урдуур нь замын зорчих хэсэгт орох
• Замын зорчих хэсэг дээр буюу зорчих хэсгийн захаар дагаж явах
• Согтууруулах ундааны зүйл хэрэглэж биеэ авч явах чадваргүй үедээ замын зорчих хэсэг дээгүүр явах, хэвтэх
• Замын голоор тавьсан тусгаарлах хайс, хашлага дээгүүр давах, доогуур нь шургах
• Замын хөдөлгөөнд оролцохдоо гар утсаар ярих, чихэвчний хөгжим сонсох зэргээр анхаарал болгоомжгүй оролцох зэрэг юм.

Сургуулийн өмнөх насны хүүхдийг харгалзах хүнгүйгээр замын хөдөлгөөнд оролцуулах зэргээс автомашинд дайруулах, мөргүүлэх хэлбэрээр амь нас, эрүүл мэндээрээ хохирох тохиолдол бүртгэгдсээр байна.

Дээрх шалтгаан нөхцөлөөс харахад явган зорчигчдын замын хөдөлгөөний дүрмийн мэдлэг дутмаг, замын хөдөлгөөнд соёлтой оролцохыг хүсэхгүй, хөдөлгөөнд тавих хяналт сул байгаатай холбоотой.