"Нийгмийн даатгалын сан”-тай холбоотой сүүлийн үед янз бүрийн мэдээлэл гараад байгаа.

УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ “Нийгмийн даатгалын сан”-гаас  “Капитал” банкинд байршуулсан мөнгө тухайн  банкны нийт активийн 39 хувьтай тэнцэж байгаа гэсэн мэдээлэл худал ташаа болохыг өнөөдөр албан ёсоор мэдэгдлээ.

“Нийгмийн даатгалын сан”-гаас “Капитал” банкинд байршуулсан мөнгөн хадгаламжийн хэмжээ нь тухайн банкны нийт активын 18,9 хувьтай тэнцэж байгаа гэв.

Нийт арилжааны долоон банкинд 420 тэрбум төгрөгийн мөнгөн хадгаламж байршуулсан.

Тухайн банкны нийт активын 20 хувиас илүүгүй байх зарчмыг баримталж банкуудтай гэрээ байгуулсан гэдгийг С.Эрдэнэ сайд хэллээ.