МУГЖ Д.Оюунтүлхүүр “Баянгол” зочид буудлын хурлын танхимд сэтгүүлчид болон үнэнч фенүүдтэйгээ хамт гурван шинэ клипнийхээ нээлтийг хийсэн юм.   

Тэрбээр Монгол түмэндээ зориулан ирэх сард уран бүтээлийн тоглолтоо хийхээр төлөвлөсөн байна.

Дашрамд дурьдахад,   Япон улсын Засгийн газраас дуучин Д.Оюунтүлхүүрт Япон Монголын соёлын харилцаанд оруулсан хувь нэмрийг үнэлж хүндэт өргөмжлөл хүртээхээр болсон аж.

Тэрээр 14 настайгаасаа Их наран улсад уран бүтээлээ хийж, 200 гаруй хандивын тоглолт зохион байгуулсан бөгөөд түүний “Цаасан шувуу” дуу Японы бага сургуулийн сурах бичигт багтсан байдаг аж. Энэ нь түүний олон жилийн хөдөлмөр бүтээлийн үр дүн бөгөөд Япон даяар эрхэм дуучны нэр алдар түгжээ.