Засгийн газрын ээлжит хуралдаанаас гарсан шийдвэрүүдийг танилцуулж байна.

Хуралдаанаар:

• Дарханы төмөрлөгийн үйлдвэрийн санхүү, үйл ажиллагаанд хийсэн шалгалт,
• Аялал жуулчлалын тухай хуулийн шинэчилсэн найруулгын төсөл,
• Цар тахлаас урьдчилан сэргийлэхэд авч хэрэгжүүлсэн төсвийн зарцуулалт зэрэг 22 асуудал хэлэлцэхээр төлөвлөсөн юм.

БИЧЛЭГ:

/Бичлэгийг тоглуулж болохгүй бол ЭНД дарж үзнэ үү/

-Хууль зүй, дотоод хэргийн сайд Х.Нямбаатар:
-ХЗДХЯ-наас Аялал жуулчлалын тухай хуулийн анхдагч хуулийн төслийг боловсруулж байна. Монголд ирсэн жуулчдад татварын буцаан олголт олгодог болох зохицуулалтын асуудлыг энэ хуульд тусгасан. Энэ хуулийг дагуулан Ан агнуурын тухай хуулийг хөндөж, салбарын яамнаас гаргасан тухайн жилд ан амьтан агнах тоонд үндэслэн нээлттэй дуудлага худалдааг зохион байгуулна. Агнуурын зах зээлийг илүү их нээлттэй болгоно. Тур операторуудын бүтээгдэхүүнийг нэмэгдүүлэх чиглэлээр олон санаачилга гаргаж байна. 

Мөн жуулчдад визийн хөнгөлөлт эдлүүлэхээр зорьж байна. Хамгийн олон улс орны иргэдийг визгүй зорчуулдаг улс болно. Улс орнуудын жагсаалтыг ирэх долоо хоногийн Засгийн газрын хуралдаанд танилцуулна. 

-Боловсролын ерөнхий газрын дарга Т.Ням-Очир:
-Боловсролын салбарт эрүүл хооллолт, эрүүл мэнд, идэвхтэй амьдралын хэв маягтай холбогдох танилцуулгыг Засгийн газарт танилцууллаа.

Ерөнхий боловсролын хичээлд эрүүл мэндийн хичээлийг заавал судлах хичээл болгон оруулж ирсэн. Зургаан агуулга баталсны нэг нь идэвхтэй хөдөлгөөн, эрүүл хооллолтын талаар хичээл юм. Жилд нэг ангид энэ сэдвээр 5-6 цагийн хичээлийг судална.

Танхимын хичээлээр хүүхдүүдэд хичээл хүргэж байгаа ч үүнд ар, гэр, нийгмийн нөлөө чухал.

Цэцэрлэгийн 100 мянган хүүхдэд өглөөний цай уухын ач холбогдлыг хүргэсэн. Оюутнуудад архи, тамхинаас татгалзах хандлага төлөвшүүлэх ажлыг идэвхтэй ажлууд өрнөж байна.

Энэ жилээс эхлээд ЕБС-ийн хувьсах зардал арван бүрэлдэхүүн хэсэгтэй болсны нэг нь багш нарын цахим дата хэрэглээний зардал юм. Багш нарын дата хэрэглээг сонголттой байлгахаар тендер зарласан. Бид энэ асуудлаар тендер зарлаж бүх компаниудад боломж олгосон.

-Сургуулиуд анги засвар, урсгал зардал гэж хүүхдүүдээс мөнгө татдаг. Энэ талаар ямар бодлого баримталж байна вэ?
-Хуулиар хориотой төлбөр, хураамжийг аль ч боловсролын байгууллага авах нь хориотой. Тусгай зөвшөөрөлдөө нэмэлтээр бичүүлсэн гүнзгийрүүлсэн болон сонгон суух хичээлд төлбөр авах  боломж сургуулиудад нээлттэй бий.

Сургуулиас санаачилж, тэгшитгэж, хавтгайруулж төлбөр авах нь хориотой. Сайн дурын, эцэг, эхчүүдийн санаачилга байж болно. Харин хууль бус төлбөр, хураамжид хяналт тавина.