Тагнуулын ерөнхий газраас С.Зоригтбаатар, О.Бямбадэлгэр нарын ашиглаж буй тамга тэмдэг Улсын бүртгэлийн ерөнхий газарт бүртгэлгүй болохыг тогтоосон байна. ХҮН-ын нэрээр хуурамч тамга тэмдэг ашиглаж байсныг тагнуулын байгууллага шалгаж тогтоожээ. 

Энэ тухай УИХ-ын гишүүн Т.Доржханд дараах мэдээллийг цахим хуудастаа нийтэлжээ. 

Хөдөлмөрийн үндэсний намыг орон нутгийн сонгуульд оролцуулахгүй байх шийдвэрийг нийслэлийн Захиргааны хэргийн шүүхээс гаргасан. Учир нь тус намын нэрээр орон нутгийн сонгуульд оролцуулах тухай хүсэлт бүхий хоёр бичиг баримт Нийслэлийн сонгуулийн хороонд ирснийг бид мэдээлсэн билээ.