Парис 2024 зуны олимпын жүдо бөхийн төрөл гурав дахь өдрөө үргэлжилж байна. Өнөөдөр эрэгтэйчүүдийн -73 кг жинд Монголын шигшээ багийн тамирчин их дуулгын алт, хүрэл медальт 24 настай Батзаяагийн Эрдэнэбаяр зодоглов.

Тэрээр эхний шатанд өнгөрсөн 2023 оны дэлхийн аварга, 2024 оны дэлхийн аваргын хүрэл медальт, их дуулгын 3 алт, 1 мөнгө, 1 хүрэл медальт, Европ тивийн аваргын хүрэл медальт Швейцарын 27 настай Нилс Штамптай барилдав.

Б.Эрдэнэбаяр хоёр торгуульж нэмэлт цаг руу орсон ч нэмэлт цагт мордож вазари үнэлгээ авснаар шигшээ 16-д шалгарлаа.

Б.Эрдэнэбаяр шигшээ 16-д их дуулгын 3 хүрэл медальтай, Европын аваргын мөнгөн медальт Испанийн 26 настай Сальвадор Кейсэс Рокатай барилдана.

Б.Эрдэнэбаяр шигшээ 16-д их дуулгын 3 хүрэл медальтай, Европын аваргын мөнгөн медальт Испанийн 26 настай Сальвадор Кейсэс Рокатай барилдлаа.

Торгуулийн харьцаа 2-1-ээр нэмэлт цаг руу орсон бөгөөд 10 минут орчим үргэлжилсэн барилдааны эцэст Б.Эрдэнэбаяр хариу мэх хийж вазари үнэлгээ авснаар ялж шөвгийн наймд шалгарлаа.

Б.Эрдэнэбаяр шөвгийн наймд их дуулгын 1 алттай Молдавын 24 настай Адил Османовтой барилдахаар боллоо.

Б.Эрдэнэбаяр шөвгийн наймд Молдавын 24 настай Адил Османовтой барилдлаа. Нэмэлт цаг сунгасан барилдаанд Б.Эрдэнэбаяр торгуулиар ялагдаж дагахаар боллоо.

Тэрээр дагахад дэлхийн аваргын 1 алт, 2 мөнгө, 2 хүрэлтэй Японы 32 настай Соичи Хашимототой барилдана.

Б.Эрдэнэбаяр дагах барилдаанд дэлхийн аваргын 1 алт, 2 мөнгө, 2 хүрэлтэй Японы 32 настай Соичи Хашимототой барилдлаа.

Барилдааныг Б.Эрдэнэбаяр илүүрхэж эхлүүлсэн ч мэх хийх явцдаа толгойгоороо тулснаар торгуульж ялагдлаа. Тэрээр 7-р байр эзлэв.