Дэлгүүр хоршоо, худалдааны төв, хоолны газар гээд ер нь гадуур явахад хятад иргэд мэдэгдэм олширсон нь хэн хүнд анзаарагдана. Насны хувьд харилцан адилгүй бөгөөд ихэвчлэн 40-50 орчим насныхан зонхилох ч заримдаа 20-30 насны залуу үеийнхэн их болжээ. Мөн орон сууц, хотхонд байр түрээслэн удаан хугацаагаар амьдрах нь ихэссэнийг иргэд хэлж байна. Түүнээс гадна байрнуудын нэг давхарт байх үсчин, монгол хоолны газруудын нэр хаяг өөрчлөгдөж, хятад нэртэй зоогийн газрууд болох нь ихэсжээ.  

Гадаадын иргэн харьяатын газар болон Үндэсний статистикийн хорооноос гаргасан тайлангийн мэдээллээс Монголд хөдөлмөр эрхэлж байгаа гадаад иргэд болон тэр дундаа БНХАУ-ын иргэдийн виз олголт хэрхэн өссөнийг инфографикаар хүргэж байна. 

Эндээс харахад 2021 онд 3500 гаруй хятад иргэн хөдөлмөрийн гэрээгээр ажиллаж байсан бол өнгөрөгч 2025 оны 3 дугаар улирлын байдлаар 16 мянга гаруй буюу 5 дахин өссөн үзүүлэлттэй байна. 

Тоон мэдээллийн эх сурвалж: ҮСХ, ГИХГ