• 3х3 сагсан бөмбөгийн Азийн АШТ үргэлжилж байна
• Тэмцээний урьдчилсан шатнаас Шри Ланка улсын баг Өмнөд Солонгосын хожиж эрхээ авлаа

3х3 сагсан бөмбөгийн Азийн аварга шалгаруулах тэмцээн Сингапур улсад өчигдөр эхэлсэн. Азийн 23 орны төлөөлөл цугласан тэмцээний урьдчилсан шат хоёр дахь өдрөө үргэлжилж байна.

Эрэгтэй төрлийн урьдчилсан шатны В хэсэгт Индонез, Өмнөд Солонгос, Шри Ланка болон Умард Марианы шигшээ багууд учраа таарсан бөгөөд өчигдөр Индонезыг өнөөдөр Өмнөд Солонгосыг хожсон Шри Ланкагийн эрэгтэй баг Азийн аваргын үндсэн тэмцээнд анх удаа тоглохоор боллоо.

Хэсэгтээ сагсан бөмбөгийн хүчирхэг хоёр гүрэнтэй учраа таарсан ч Шри Ланка таамаг эвдэж Индонезыг 14-21, Умард Марианыг 13-21, Өмнөд Солонгосыг 19-21 харьцаагаар тус тус хожив. Тэднийг үндсэн тэмцээний В хэсэгт Тайланд болон өнгөрсөн жилийн аварга Монголын шигшээ баг хүлээж байна.

• ДӨРӨВДҮГЭЭР САРЫН СПОРТ: Сагсан бөмбөгийн аваргуудын лиг Монголд
• 3х3 сагсан бөмбөгийн Азийн АШТ эхлэхэд долоо хоног үлдлээ
• Үндэсний дээд лигийн багууд Оюутны лигээс тоглогч драфтлана

Азид чансаагаар тэргүүлэгч найман орны баг үндсэн тэмцээний хэсгийн шатны эрхээ шууд авсан. Одоогоор D хэсгийн гурав дахь багаар Малайз, В хэсгийн гурав дахь багаар Шри Ланка тоглохоор болоод байна.

Харин эмэгтэй төрлийн үндсэн тэмцээний А хэсэгт Хятад, Тайвань, Сингапур, В хэсэгт Япон, Тайланд, С хэсэгт Монгол, Малайз, D хэсэгт Шинэ Зеланд, Австралийн шигшээ багууд багтжээ. Одоогоор C хэсгийн гурав дахь багаар Филиппиний шигшээ баг тоглох эрхээ аваад байна.

Азийн аваргын үндсэн хэсгийн шатны тоглолтууд маргааш 11:00 цагаас эхэлнэ.