Өчигдрийн УИХ-ын чуулганы хуралдаанд Ерөнхий сайд Л.Оюун-Эрдэнэ мэдээлэл өглөө.

- Монгол Улсын экспортын 93 хувийг уул уурхайн дөрвөн гол бүтээгдэхүүний хоёр нь нүүрс зэс юм. Шулуухан хэлэхэд Монгол Улс нүүрс, зэс гэсэн хоёр том бүлэглэлтэй болжээ. Бүгдийг нь худалдаж авч банкаар дамжиж улс төрийг барьцаалах гэсэн хэсэг нөхөд байгаа нь нууц биш. Өнгөрсөн хугацаанд санхүүжилт босгож, шүүхийн томилгоог хийсэн байна.

Монгол Улс цааш хөгжье гэвэл нүүрс дагасан мафийг ил тод болгохоос өөр сонголтгүй. Таван толгойд гарсан багц арга хэмжээтэй холбоотой эдийн засгийн өсөлт, төсвийн давсан байгаа биелэлтийн талаар хараарай. Төдий хэмжээний далд эдийн засаг байсан гэсэн үг. Одоо ч амар биш. Ил далд олон асуудал бий. Хил дамнасан компанийн эрх ашиг зөрчигдөж байна. Ойрын ирээдүйн 10-20 жилийн хугацаанд нүүрс, зэсийн ил тод байдлыг тогтоохгүй бол шударга ёс, улс төр ярих хэцүү. Тиймээс энэ нөхцөл байдлыг л өөрчилье гэж байна. АН, МАН, хэн байх нь хамаагүй.

Тиймээс Т.Аюурсайхан өөрийн хүсэлтээр ажлаа өгөөд шалгуулах бодолтой байгаагаа надад уламжилсан. Эрдэнэт үйлдвэрийн 49 хувь, Оюутолгой зэрэгтэй холбоотой олон асуудал Ардчилсан намаас сонгогдсон хоёр ерөнхийлөгч тодруулбал, Х.Баттулга, Ц.Элбэгдорж хоёртой холбоотой. Тэдний зуурсан бантанг буцаагаад цэгцлэх гэж бид үйлээ үзэж байна. Тиймээс улс төржүүлэх хэрэггүй. Тулгамдсан асуудлаа шийдвэрлээд явах нь зүйтэй гэв.