Дэлхийн холимог тулааны хамгийн том холбоодын нэг UFC /Ultimate Fighting Championship/-тэй гэрээ байгуулсан Монголын анхны тамирчин "Шуурга" хочит Д.Батгэрэл өнөөдөр ээлжит тулаанаа хийлээ.

Тэрээр АНУ-ын Флоридад болсон UFC 261 арга хэмжээний үеэр АНУ-ын тамирчин "Сордог элс" хочит Кевин Нативидадтай тулалддаж эхний үеийн 50 дахь секундэд хүнд цохилтоор буулган авлаа. 9-2-0 амжилттай байсан Кевин өнгөрсөн оны аравдугаар сард UFC-ийн анхны тулаанаа хийж ялагдсан бөгөөд өмнө нь LFA холбоонд тоглож байсан юм.

Харин Д.Батгэрэлийн хувьд UFC-ийн хүрээнд хоёр тулаан хийхдээ нэг ялж, нэг ялагдаад байсан бөгөөд өнгөрсөн оны аравдугаар сард Кайлер Филлипстэй тулалдах байсан ч цар тахлын хилийн хоригийн улмаас оролцож чадаагүй.

Өдгөө 31 настай, холимог тулааны өдөн жин /Bantamweight 55,7-61,2/-д тулалддаг тэрээр ийнхүү 9-2-0 амжилттай болсон ба Монголынхоо MGL-1 холбооны 2009 оны кик боксын аварга, 2018 оны холимог тулааны 66 кг жингийн аварга билээ.

Түүний өнгөрсөн оны арваннэгдүгээр сард өгсөн ярилцлагыг энд дарж үзээрэй.