• Dota 2-ын "The International"-д оролцох эрхийн төлөөх сонгон шалгаруулалтын тэмцээнүүд үргэлжилж байна
• Хятадын сонгон шалгаруулалтын тэмцээнээс Azure Ray эрхээ авлаа

Dota 2-ын "The International" буюу 2023 оны дэлхийн аварга шалгаруулах тэмцээнд оролцох сүүлийн эрхийн төлөөх бүсийн сонгон шалгаруулалтын тэмцээнүүд үргэлжилж байна.

Одоогоор 12 баг DPC (Dota Pro Circuit - Valve-аас зохиодог Dota 2-ын хамгийн том лиг) оноогоороо "The International 2023"-д оролцох эрхээ авсан бөгөөд дахин найман баг зургаан бүсээс шалгарах байв.

Хятадын бүсээс "PSG.LGD" дэлхийн аваргын эрхээ авсан бол хоёр дахь эрхийг өнөөдөр өндөрлөсөн сонгон шалгаруулалтын тэмцээнээс "Azure Ray" баг авлаа.

• Дэлхийн аварга Team Spirit баг "Riyadh Masters" тэмцээнд түрүүллээ
• Монголын Dota 2-ын шигшээ баг ДАШТ-д оролцоно
• Gaiming Gladiators 2023 оны гурван major-т дараалан түрүүллээ

2018 оны дэлхийн аваргад мөнгөн медаль хүртсэн LGD багийн гол тоглогчид болох Лу "Somnus" Яо, Ян "chalice" Шен И, Шу "fy" Лин Сен тэргүүтэй Azure Ray финалд Жао "XinQ" Жи Шин, Тиай "JT-" Жун Вен тэргүүтэй "Xtreme Gaming" багийг финалд 3-1 харьцаагаар хожсон юм.

Хятадын бүсээс хамгийн өндөр DPC оноотой Сумайл "SumaiL" Хассан, Ду "Monet" Пен тэргүүтэй "Team Aster" баг DPC оноо аваагүй, бүсийнхээ дээд лигт сүүл мушгисан "Team Bright" багт хожигдож тэмцээнээс хасагдсан нь тааварлаагүй явдал байв.

Мөн Хятад бүсийн доод лигт хоёрдугаар байр эзэлж дараа улиралд дээд лигт тоглохоор болсон 2016 оны дэлхийн аварга Ли "iceice" Пен тэргүүтэй "Team Zero" баг шилдэг гуравт үлдэж доод хүснэгтийн финалд Xtreme Gaming багт 2-1 харьцаагаар хожигдсон.