• Dota 2-ын 15 сая ам.долларын шагналын сантай "Riyadh Masters 2023" тэмцээн дууслаа
• Тэмцээнд 2021 оны дэлхийн аварга Зүүн Европын Team Spirit баг түрүүлэв
• Баруун Европын Team Liquid баг оны дөрөв дэх том тэмцээнийхээ финалд хожигдлоо.

Dota 2-ын 15 сая ам.долларын шагналын сантай "Riyadh Masters 2023" тэмцээн Саудын Арабын Эр-Рияд хотод боллоо. Тэмцээнд 2021 оны дэлхийн аварга Зүүн Европын Team Spirit баг түрүүлэв.

Дэлхийн шилдэг 20 баг хоёр долоо хоногийн турш өрсөлдсөн тэмцээний финалд Team Spirit Баруун Европын Team Liquid багийг 3-1 харьцаагаар хожиж түрүүлснээр 5 сая ам.долларын эзэн боллоо.

Харин энэ оны дөрөв дэх том тэмцээнийхээ финалд хожигдоод буй Team Liquid 2.5 сая ам.доллар авсан. Азийн шилдэг баг Talon Esports энэ жилийн гурван major-т дараалан түрүүлсэн Gaimin Gladiators багийг хожих гуравдугаар байр эзэлсэн нь тааварлаагүй үйл явдал байв.

Тэмцээний шилдэг тоглогчоор Talon Esports багийн Индонез midlaner Рафли "Mikoto" Фатур тодорсон бол Team Spirit багийн Узраин carry Иллия "Yatoro" Муларчук удаалав.

• Монголын Dota 2-ын шигшээ баг ДАШТ-д оролцоно
• Gaiming Gladiators 2023 оны гурван major-т дараалан түрүүллээ
• Монголын гурван тоглогч DPC-ийн дээд лигт тоглоно

Хоёр дахь жилдээ зохиогдож буй  Riyadh Masters тэмцээн нь дэлхийн аварга шалгаруулах тэмцээн буюу TI-тай харьцуулахад нэр хүнд багатай ч хамгийн өндөр мөнгөн шагнал өгдгөөрөө алдартай болж байна.

Өнгөрсөн оны тус тэмцээн 4 сая ам.долларын шагналын сантай байсан бөгөөд Хятадын PSG.LGD баг түрүүлж байв.