Улсын төсөвт орлого төвлөрүүлдэг зургаан аймаг байгаа бол төсвөөс дэмжлэг авдаг 13 аймаг байна. Өмнөговь, Орхон аймгууд хамгийн их орлого төвлөрүүлдэг аймгууд юм.

2024 оны төсвийн төслийг боловсруулахад Засгийн газар иргэдийн саналыг авч байна. Ховд аймгийн иргэд дараах хөрөнгө оруулалтын төслүүдийг эхлүүлэх нь зөв гэжээ.

• Ховд хотын ундны усны хоёр дахь эх үүсвэр байгуулах,
• Ховдын дулааны станцын өргөтгөлийн 2-р үе шат,
• Олон ястны өв соёлын цогцолбор музейн барилга,
• Гэр хорооллын цэвэр, бохир усны шугам сүлжээний зураг төсөв,
• Ховд-Улаангом чиглэлийн 163,3 км хатуу хучилттай автозам,
• Жаргалантын 320 хүүхдийн сургууль
• Ховд сумын цэцэрлэгийн барилга,
• 1000 айлын орон сууцны зураг төсөв, цэвэрлэх байгууламжийн өргөтгөл зэргээр төслүүдийг эрэмбэлжээ.