“Юнител” корпораци Улаанбаатар хотод 6 салбар үйлчилгээний төвтэй байсан бол 10 сарын 6-нд энэ тоог нэгээр нэмлээ. Хүн амын тоогоор дээгүүрт ордог Баянзүрх дүүрэгт Юнителийн шинэ салбар үүд хаалгаа нээж, хэрэглэгчдэдээ үйлчилгээгээ улам ойртууллаа. Нээлтийн үйл ажиллагаанд Харилцаа Холбооны Зохицуулах газрын дарга У.Тамир уригдан ирж, “Сансар” салбарыг нээж үг хэлсэн юм.

У.Тамир “Юнител корпораци богино хугацаанд үйл ажиллагаагаа амжилттай өргөжүүлэн тэлж, бусадтай өрсөлдөхүйц компаний нэг хэдийнэ болжээ. Өнөөдөр Баянзүрх дүүрэгт Юнител корпораци шинэ салбараа нээсэн нь хотын гудамжинд өнгө нэмж, хэрэглэгчдэдээ найрсаг түргэн шуурхай үйлчилгээгээ үзүүлэх сайхан үйл явдал боллоо” хэмээн онцоллоо.

Мөн нээлтийн үеэр салбарын гаднах талбайд залуусын дунд нэр алдар нь өсч яваа амьд хөгжмийн залуу хамтлаг L-Guards шинэ уран бүтээлээсээ сонирхуулсан нь нээлтийн үйл ажиллагааг улам чимж өгсөн юм.

Юнителийн “Сансар” шинэ салбар нээлтийнхээ баярыг хэрэглэгчидтэйгээ хамт тэмдэглэж, энэ сарын 20-ныг дуустал бэлэгтэй урамшуулал зарлалаа. Тус салбараар үйлчлүүлсэн шинэ хэрэглэгчдэдээ гар утасны арьсан гэр, халаасны цэнэглэгч бэлэглэхээс гадна гар утсанд тань англи-монгол, монгол-англи толь бичгийг суулган өгч байна.

Дараа төлбөрт үйлчилгээ, урьдчилсан төлбөрт үйлчилгээ, нэмэлт үйлчилгээ, цэнэглэгч картын худалдаа зэрэг өөрийн бүх үйлчилгээг нэг дороос хэрэглэгчиддээ хүргэх зорилготой тус салбар нь ажлын өдрүүдэд 09.00-19.00, амралтын өдрүүдэд 10.00-17.00 цаг хүртэл ажиллана.

Та урамшууллын хугацаанд амжиж манай шинэ салбараар үйлчлүүлээрэй. Таныг найрсаг, түргэн шуурхай, соёлтой үйлчилгээ угтан авах болно. Дэлгэрэнгүй мэдээллийг1414 /Юнителийн дугаараас үнэгүй/, 328888-аас лавлана уу.