Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын хүчит бөхийн барилдааны долоогийн даваа эхэллээ. 

Долоогийн давааны ам авсан байдал: 

• Дархан аварга Н.Батсуурь - Аймгийн арслан О.Наранбаатар
• Улсын аварга П.Бүрэнтөгс - Аймгийн арслан М.Бэлгүтэй
• Улсын заан Б.Пүрэвсайхан - Аймгийн арслан Н.Өсөхбаяр 
• Улсын заан Б.Бат-Өлзий - Улсын начин Э.Батмагнай

Баянхонгор аймгийн Жинст сумын харьяат улсын начин Энхтүвшиний Батмагнай Ховд аймгийн Зэрэг сумын харьяат Баярхүүгийн Бат-Өлзийгөөр долоо давж улсын улсын заан цолны болзол хангалаа. 

Увс аймгийн Давст сумын харьяат улсын аварга Пүрэвийн Бүрэнтөгс Дорнод аймгийн Баян-Уул сумын харьяат аймгийн арслан Мөнхжаргалын Бэлгүтэйгээр долоо давж, их шөвгийн дөрөвт үлдлээ. 

Увс аймгийн Ховд сумын харьяат Дархан аварага Намсрайжавын Батсуурь Өвөрхангай аймгийн Хархорин сумын харьяат аймгийн арслан Оюунгэрэлийн Наранбаатараар долоо давж их шөвгийн дөрөвт үлдлээ. 

Сүхбаатар аймгийн Онгон сумын харьяат аймгийн арслан Нямдоржийн Өсөхбаяр Ховд аймгийн Чандмань сумын харьяат улсын заан Баатархүүгийн Пүрэвсайханаар долоо давж аймгийн арслангаас улсын заан цолны болзол хангаж, их шөвгийн дөрөвт хүч үзэхээр боллоо.