Сургуулийн өмнөх боловсролын байгууллага болон ерөнхий боловсролын сургуульд багшаар ажиллах эрх олгох шалгалтыг ирэх сарын 10-ны өдөр болно.

Багшаар ажиллах эрх олгох шалгалтын бүртгэл долдугаар сарын 21-нээс наймдугаар сарын 1-ний хооронд явагдах юм.

Уг шалгалтад багшийн мэргэжил эзэмшээд анх удаа багшаар ажиллах хүсэлт гаргаж буй болон гурваас дээш жил багшаар ажиллаагүйгээс багшлах эрх нь цуцлагдсан хүмүүс хамрагддаг байна.

Бүртгэл Багшийн мэргэжил дээшлүүлэх институтын цахим хуудас болох www.itpd.mn хаягаар явагдана. Бүртгэлийн хураамж 35 мянган төгрөг байх аж.