Гуравдугаар сарын 17-ноос 18-нд шилжих шөнө бүтээлч медиа студи Ноорогийн хамт олон болох найман хүнийг Кибер гэмт хэрэгтэй тэмцэх газраас прокурорын зөвшөөрөлгүйгээр хойшлуулшгүй шалгах ажиллагаа хэмээн саатуулан байцаасан ба “тус студиэс “Эрүүгийн хуулийн 19.9.1 дүгээр заалт буюу үндэсний эв нэгдлийг бусниулах заалтаар шалгасан” хэмээн Ноорогийн үүсгэн байгуулагч О.Уламсайхан Кибер гэмт хэрэгтэй тэмцэх газрын гадаа хийсэн мэдээлэлдээ дурдсан.

Тэгвэл энэхүү асуудлаар ЦЕГ-ын дэд дарга, цагдаагийн хурандаа Н.Мөнхзул өөрийн албан ёсны цахим хуудсандаа "Цагдаагийн байгууллагын алба хаагчид Ноорог.мн пэйж ажиллуулдаг иргэдийг шалгах ажиллагааг хэрэгжүүлэхдээ  хүний эрхийг зөрчөөгүй, хууль зөрчөөгүй, эрүүдэн шүүгээгүй, сахилга, хариуцлага зөрчөөгүйг хариуцлагатайгаар мэдэгдэж байна" гэжээ.