Парис 2024 зуны олимпын жүдо бөхийн эрэгтэй -66 кг жингийн барилдаан өнөөдөр эхэллээ. Тус жинд Монголын шигшээ багийн тамирчин, дэлхийн аваргын хошой хүрэл медальт, Азийн аварга 30 настай Ёндонпэрэнлэйн Басхүү зодоглосон.

Тэрээр эхний барилдаанаа шигшээ 16 шатанд Европын аварга Украины 27 настай Богдан Иадовтой барилдав. Барилдааны эхний торгууль Ё.Басхүүд ирсэн ч даралт авч цэвэр яллаа.

30 настай Ё.Басхүү ийнхүү шөвгийн наймд шалгарлаа.

Ё.Басхүү шөвгийн наймд залуучуудын дэлхийн аварга, Пан-Америкийн аварга Бразилын 24 настай Виллиан Лиматай барилдана.

Ё.Басхүү шөвгийн наймд залуучуудын дэлхийн аварга, Пан-Америкийн аварга Бразилын 24 настай Виллиан Лиматай барилдлаа. Хоёр бөх нэмэлт цаг сунгаж барилдахад Бразилын бөх давуулж шидэн ялснаар Ё.Басхүү дагахаар боллоо.

Ийнхүү Ё.Басхүү 22:00 цагаас Францын Валид Хяартай дагах барилдаан хийхээр болов.

Ё.Басхүү дагах барилдаанд дэлхийн аваргын хүрэл медальт Францын 29 настай Валид Хяартай барилдлаа. Хоёр бөх нэмэлт цаг сунгаж барилдахад нутгийн бөх вазари үнэлгээгээр ялж, Ё.Басхүү ялагдсанаар 7-р байраар тэмцээнээ дуусгалаа.