Монголын хөрөнгийн бирж даваа гарагийн үнэт цаасны арилжаагаар нэг, хоёр болон гуравдугаар ангилалд бүртгэлтэй 25 хувьцаат компанийн нийт 15.1 сая ширхэг хувьцаа арилжжээ. Хөрөнгийн биржийн индекс энэ өдөр 843.51 нэгж болж 0.22 хувиар буурав.

Ингэснээр зах зээлийн үнэлгээ 1.45 их наяд төгрөг боллоо. Ханшийн өөрчлөлтийн хувьд 20 компанийн хувьцааны ханшид өөрчлөлт орсон байна. Үүнээс “Гермес центр” компани хамгийн өндөр буюу 3.82 хувиар өссөн бол “Тавантолгой” 2.22, “Дархан нэхий” 2.04 хувийн өсөлтөөр удаалав. Өнөөдрийн арилжаанаас дүгнэвэл зах зээлийн голлох индексүүд долоо хоногийг уналтаар эхлүүллээ.