"Илжиг" хэмээгч төмөр туулай жилийн үр

"Илжиг" хэмээгч төмөр туулай өвс ногоо, тариа, төмс сайн гарах боловч хулгана, царцаа тэргүүтэн хортноор нэрмэгдэх гэм буйг анхаарууштай

Жилийн эзэн одны үр нь: Хур усан арвин бууж, төрийн өндөрлөгийн хүчин арвидаж, үр тариа дэлгэрч улс орон амгалантай болмуй.

Жилийн эзэн гарагийн үр нь: Өргөл, өглөг хоёр арвижюу. Ном төгөлдөртнүүд алдрыг олюу. Ертөнц тэнгэрээр тэтгэгдэн, үр тэргүүтэн жимс цэцэрлэг дэлгэрмуй. Морь, үхэр тэргүүтэн мал арвижюу. Хур цагтаа бууна. Оюун төгөлдөртний ухааны орон дэлгэрмүй.

Хаан гарагийн үр нь: Хур буун, эмийн шим төгөлдөржинө. Ус мөрөн арвижна. Ой цэцэрлэг, үр жимс дэлгэрнэ. Үхэр малын сүү арвижна. Залуус жаргалантай болж, наадан бүжмүй. Төрийн түшээд, сайд ноёд энэрэхүй бээр улс орноо тэтгэнэ.

Түшмэл гарагийн нөлөөлөл нь: эзэн гараг лугаа ижил үр хаялгыг үзүүлмүй.

Энэ жилийн хувьд нар Хумх, Загас, Мэлхий, Охины ордонд байрлах үед хур ус цагтаа бууж, эд агуурс элбэгжин, ихэс дээдэс буянаар тэтгэх ба бүх зүйл тэгшрэх сайн. Хамтатгах, Арслан, Жинлүүр, Хилэнцийн ордонд байрлах үед сайн, муугийн магадлал үгүй тул элдэв өвчнөөс болгоомжлууштай. Харин Хонь, Үхэр, Нум, Матарын ордонд байрлах үед салхи шуурга гаран, хямрал болохын нигууртай тул сэргэмжтэй байгууштай.

"Шороон үхэр"-ээр шинжвээс: Жилийн турш хур цагтаа буун, тариа ногоо сайтар ургана. Улирал бүрийн дундуур салхи шуурга харьцангуй ихтэй, хаврын улиралд цас ихтэй бөгөөд зуны эхэн, намрын эхэн сараар шамаргалан, мөндөр цохих ба өвлийн эхэн сард цасаар шуурах магадлалтай. Өвгөдөд амгалан, залууст ширүүн, нялхаст харшлах шалтгаантай. Хааны хатуу цааз буух нигууртай тул элдэв ажил үйлсээ сэргэмжтэй хийгүүштэй.



(Ус хөлөлд жилийн болон сарын хар нохой ам таарсан тул 2011 оны ус суудалд суусан бүх хүмүүсийг эмийн зүгээр гарч амин зүгээс ирэхээр тооцоолов)

Төмөр туулай жилийн эрхшээсэн мэнгэ, түүний засал хариулга



Жил ороход уншуулах ноён нурууны ном

13-ны жил орж байгаа хүн Ламаадан, Нанжид, Ногоон дарь эх
25-ны жил орж байгаа хүн Доржнамжом, Цэнд, Дүншиг
37-ны жил орж байгаа хүн Жадамба, Лусын сан, Цагаан шүхэрт
49-ний жил орж байгаа хүн Сундуй, Гурван гүрэм, Дашдондүв
61-ний жил орж байгаа хүн Цагаан дарь эх, Алтангэрэл, Дугар
73-ны жил орж байгаа хүн Цагаан дарь эх, Цэгмэдийн чого, Ширнэн
85-ны жил орж байгаа хүн Улаан юм, Манал, Молом намсүм
97-ны жил орж байгаа хүн Нива гүнсэл, Дүншиг, Алтанганжуур уншуул.

Долоон улаан мэнгэ голлож байгаа тул 2002, 1993, 1984, 1975, 1966, 1957, 1948, 1939, 1930, 1921, 1912 оны хүмүүс мэнгэний заслаа хийд, сүм дацанд хийлгэх хэрэгтэй. 1975, 1939 жил орж мэнгэ голллож байгаа тул засалд: Жанаг гагдог, “Найман гэгээн”, “Дорж намжом” “Базарсад” айлдуул.

Уул хаданд авирах, улаан өнгийн эд авах, хануур төөнүүр хийлгэхийг цээрлэ. Хурим найр хийгээд улайны газар явахыг хоригло. “Шэйравнинбо”, “Чогжүв мүнсэл” уншуул.

“Ум жа ма на сууха” тарнийг уншвал насны барцад арилна.

Шүтээн бурхны зүрхэн тарни нь Ногоон дарь эх.

Л.Тэрбишийн "Монгол зурхайн цаг тооны бичиг"-ээс