БНХАУ-ын Төрийн зөвлөлийн Тамгын газар 2011 оны амралтын болон ажлын бус өдрийг албан ёсоор зарласан байна. Энд зарласнаар хятадууд хоёрдугаар сарын 2-ноос 8-ныг хүртэл Хаврын баяр буюу Цагаан сараар амрах аж.

Харин нэгдүгээр сарын 30-ны ням болон хоёрдугаар сарын 12-ны бямба гаригуудыг ажлын өдөр болгожээ. Цаашилбал, дөрөвдүгээр сарын 3-наас 5-ныг хүртэл Цинмины баяр буюу ханш нээсэн өдөр амарч, тухайн сарын 2-ны бямба гариг нь ажлын өдөр байх юм. Дөрөвдүгээр сарын 30-наас 5 дугаар сарын 2-ныг хүртэл Хөдөлмөрийн баяр тэмдэглэнэ.

Тэгвэл зургадугаар сарын 4-нөөс 6-ныг дуустал Дуаньу баяраар амрана. Энэ нь билгийн тооллын тавдугаар сарын эхний тав дахь өдөр буюу хоёр тавны баяр юм. Еэвэн сарын баяраар буюу есдүгээр сарын 10-12-ныг хүртэл, БНХАУ байгуулагдсаны  өдөр буюу аравдугаар сарын 1-нээс 7-ныг хүртэл мөн амрах юм. Харин аравдугаар сарын 8, 9-нд ажлын өдөр болгожээ.