Тухайн ажлын байранд тохирсон, зөв хандлагатай, сэтгэлтэй, чадварлаг ажилтныг олж, ажилд авна гэдэг бол ажил олгогч компаниудын толгойны өвчин яах аргагүй мөн. Нэг талдаа сайн ажилтан хайсан компаниуд, нөгөө талдаа ур чадвартай, сайн ажил хайсан залуус байгаа хэрнээ бие биенийгээ олж чаддаггүй. Энэ бол өнөөгийн нөхцөл байдал. Сонгон шалгаруулалтын технологи одоогийн нийгэмд яг сайн тохирохгүй байна.

2014 онд бид 10 хүнтэй борлуулалтын баг бий болгох гээд 50 анкет цуглуулж, нэг бүрчлэн үзэж, шигшээд, талыг нь сонгон, уулзаж, шалгалт авсан. Ингээд сарын дараа гэхэд хүмүүсээ сонгож авсан ч хангалттай сайн баг бүрдүүлж чадаагүй. Эндээс дүгнэлт хийгээд бид хэрхэн богино хугацаанд, яг тухайн ажлын байранд тохирсон, чадварлаг, зөв хандлагатай хүнийг сонгож ажилд авах талаар бодож эхэлсэн. Ингээд бид нэгэн шинэ аргыг нэвтрүүлсэн юм...,

Мандал Даатгал ХХК-ийн Гүйцэтгэх захирал Б.Жавхлантай ярилцсан нэвтрүүлгийг хүлээн авна уу.