Иргэний нисэхийн ерөнхий газрын ажилчдын хүүхдүүдэд зориулсан цэцэрлэгийн барилгын ажил өнөөдөр эхэлжээ.

Тус цэцэрлэг 150 хүүхдийн багтаамжтай бөгөөд тоглоомын талбай, ногоон байгууламж, гадна талбайн иж бүрэн тохижилттой нь барьж байгуулах юм.

Хүүхдийн цэцэрлэгийн барилгыг “Дүрт уул” ХХК барьж гүйцэтгэн наймдугаар сарын 15-ны өдөр гэхэд хүлээлгэн өгөхөөр төлөвлөжээ.

ИНЕГ-аас нисэх хүчин үүсч хөгжсөний 95 жилийн ой тохиож буй өнөө жил салбарынхаа ажилчдын эрүүл мэнд, нийгмийн асуудлыг шийдвэрлэхэд томоохон хувь нэмэр оруулсан хэд хэдэн ажлыг хийж хэрэгжүүлэхээр төлөвлөсний нэг нь энэ цэцэрлэг юм.

Цэцэрлэгийг өөрийн эзэмшлийн талбайдаа барьж буй бөгөөд удахгүй усан бассейн бүхий иж бүрэн спорт цогцолбор барих бэлтгэл ажлыг хангаад байна гэж ИНЕГ-аас мэдээллээ.