ХӨСҮТ-ийн Тандалт судалгааны албаны дарга А.Амбасэлмаагийн мэдээллийг хүргэж байна.

Тэрбээр, Эмчилгээ хийлгэсний дараа давтан шинжилгээгээр дахин коронавирус ялгарч байгаа тохиолдол улс орнуудад бүртгэгдсээр байна.
Манай улсад 200 гаруй хүн коронавирусийн халдвар авсан ба ДЭМБ-аас гаргасан удирдамжийн дагуу эмчилгээ хийсэн. Манайд халдвар авсан хүмүүсийн 80 гаруй хувь нь шинж тэмдэг хөнгөн хэлбэрээр өвчилсөн,

14-64 хоног эмчлэгдээд, гурван удаа, шаардлагатай бол таван удаа шинжилгээ хийжхариу сөрөг гарсан тохиолдолд сувиллын тусгаарлалтад шилжүүлж байгаа. Сувиллын тусгаарлалтад байх хугацаанд хоёр удаа лабораторийн шинжилгээ хийж байна.

Тэгэхээр 213 хүн эмчилснээс 22-23 хүний давтан шинжилгээгээр коронавирус илэрсэн. Тиймээс вирус илрэхгүй болтол ажиглалт, тандалт хийж байна. Ажиглалт тандалтын хугацаанд давтан шинжилгээ хийхэд зарим хүмүүсээс вирус илрэхгүй бол гаргаж байна. Халдвартай хүн гараад халдвар тараах вий гэж ард иргэд санаа зовох хэрэггүй.