БШУЯ-наас боловсролын бичиг баримтын хяналт, шалгалтын материал алдагдсан асуудлыг Сүхбаатар дүүргийн цагдаагийн нэгдүгээр хэлтэст шалгаж байна. Энэ талаар БШУЯ-ны Хяналт-шинжилгээ, үнэлгээ, дотоод аудитын газрын дарга, ажлын хэсгийн ахлагч Ч.Энх-Амгалан дараах тайлбарыг өгөв.

Тэрбээр “Боловсролын бичиг баримтыг шалгах Ажлын хэсгийг миний бие ахалж ажиллаж байна. Энэ хүрээнд 59 мянган боловсролын бичиг баримтыг шалгах ажиллагаа дуусах гэж байна. Шалгалтын явцад мэргэжлийн хяналтын улсын байцаагчийн зөөврийн санах ойн төхөөрөмж /hard/ хоёр ширхэг, хяналт шалгалттай холбоотой 3-4 боодол материал алдагдсан.

Улмаар яамны камерын бичлэгийг шалгах гэтэл гурав хоног өнгөрсөн байсан тул бичлэг үлдээгүй. Иймээс цагдаагийн байгууллагад хандаж Ажлын хэсэг ажиллаж байна” гэлээ.

БИЧЛЭГ: