Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын хүчит бөхийн барилдаанд долоо давсан улсын начин Д.Хүдэрбулгад Монгол Улсын заан цол олгох Ерөнхийлөгчийн зарлигийг уншиж танилцууллаа. 

Монгол Улсын Ерөнхийлөгч У.Хүрэлсүх Төв аймгийн Өндөрширээт сумын харьяат, Сүлд спорт хорооны  бөх улсын начин Доржхандын Хүдэрбулгад Монгол Улсын заан цолны үнэмлэх, энгэрийн тэмдэг гардуулав. 

Төрийн тэргүүнээс цолоо авсан шинэ заанд Төв цэнгэлдэх хүрээлэнд суудлаа эзэлсэн наадамчин олон уухайлан баяр хүргэв.