Сагсан бөмбөгийн 3х3-ын “Улаанбаатар Энержи” баг Токиогийн олимпын аварга, Европын аварга, ДАШТ-ий мөнгө, хүрэл медальт, Латвийн шигшээ багийн тоглогч Наурис Миезисийг  (Nauris Miezis) эгнээндээ нэгтгэж, албан ёсоор гэрээ байгуулжээ.

Ингэснээр Миезис 3х3-ын 2025-2026 оны улирлын мэргэжлийн тэмцээнүүдэд “Улаанбаатар Энержи”-гийн өмсгөлтэй талбайд гарахаар боллоо. 

Өдгөө 34 настай түүний хувьд Токиогийн олимпод багаараа түрүүлснээс гадна дэлхийн аваргаас мөнгө, хүрэл, Европын аваргаас алт, гурван мөнгөн медаль хүртсэн ба “Их дуулга”-ын “Үнэ цэнтэй тоглогч”-оор шалгарч байсан юм. Түүнчлэн “Парис-2024” олимпын наадмын нээлтэд элсний волейболын тамирчин Тина Граудинагийн хамт Латвийн тугийг барьж жагссан. 

Тэрбээр дэлхийн чансаанд 59, Латвид хоёрдугаар жагсаж байгаа бөгөөд 394509 оноотойгоор шинэ улирлыг эхлүүлнэ. 

Эх сурвалж: Mongolian 3x3 Basketball Association