Хойд Америкийн үндэсний сагсан бөмбөгийн холбоо /NBA/-ны 2025-2026 оны улирлын аваргаар Нью-Йорк Никс баг тодорсон. 

Энэхүү ялалт нь тус багийн хувьд 53 жилийн дараах түүхэн ялалт болсон бөгөөд тэд финалын шатанд Сан Антонио Спөрс багийг буулган авсан юм. 

Цувралын тооны харьцаа 4:1-ээр өндөрлөсөн. "Никс" сүүлийн хоёр тоглолтын эхний үеүдэд оноогоор илүүрхэж байсан өрсөлдөгчөө гүйцэж, хүчтэй "эргэн ирэлтүүдээр" ялалт байгуулж чадсан. 

Сүүлийн тоглолт Техас мужид болсон ч "Никс"-ийн дэмжигчид Нью-Йоркт цуглан баяраа тэмдэглэсэн. Гэхдээ энэ нь удалгүй эмх замбараагүй байдал болж хувирчээ.

Тухайлбал фенүүд сургуулийн автобусыг галдан шатаах, дээр нь гарах, бейсболын цохиураар цохих зэрэг үйлдэл гаргаж байв. Үүний улмаас хүн хохирсон эсэх нь тодорхойгүй байна.  

Мөн өсвөр насны нэг хүүхэд буудуулж шархаджээ. Эмх замбараагүй байдлын үеэр Нью-Йоркийн цагдаа нар 63 хүн саатуулсан гэдгээ мэдэгджээ. 

Эх сурвалж: ВВС