Хичээлийн шинэ жилийн эхний өдөр Дархан-Уул аймагт нийт 149 алба хаагч, иргэд хамтран сургуулийн орчимд сурагчдыг зам тээврийн осол, хэргээс урьдчилан сэргийлэх, нийтийн хэв журам сахиулах чиглэлээр хамтран ажилласан байна.

2016-2017 оны хичээлийн шинэ жилийн баярын өдөр “School police” эцэг эхийн эргүүлд

• Замын цагдаагийн тасгийн 30 алба хаагч,
• НХЖХТасгаас 55 алба хаагч,
• олон нийтийн цагдаагийн ажилтан 8,
• Ерөнхий боловсролын 28 сургуулийн 56 эцэг эх оролцжээ.

Алба хаагч, иргэд хамтран сургуулийн орчим өглөө, өдөр хоёр ээлжээр сурагчдыг зам тээврийн осол зөрчлөөс урьдчилан сэргийлэх, нийтийн хэв журам сахиулах чиглэлээр хамтран ажиллаа.

Мөн ерөнхий боловсролын сургуулиудад гарч болзошгүй зам тээврийн ослоос урьдчилан сэргийлэх, замын хөдөлгөөнд хэрхэн аюулгүй оролцох талаар "Замын цагдаагаас мэдээллэж байна" мэдээллийн самбарыг байршуулж эхэллээ.