Практикал даатгал ХХК нь Монголын шилдэг татвар төлөгч компани болох Вагнер Ази групп компанитай 2017 оны 12 сарын 14-ний өдөр “Энх-Ирээдүй” нэртэй Эрүүл мэнд, гэнэтийн осол, эмчилгээний зардлын даатгалын гэрээнд хамтран ажиллахаар гарын үсэг зурлаа.

Энэхүү гэрээ нь Вагнер ази групп компанийн бүх ажилтнууд хамрагдаад зогсохгүй ажилтнуудын гэр бүл, үр хүүхдүүд нь хамрагдсанаараа онцлогтой даатгалын бүтээгдэхүүн юм. 

Мөн уг компанийн үнэт зүйл болсон ажилтан албан хаагчдыг эрүүл мэндийн багц даатгалд хамруулснаар ажлын бүтээмж нэмэгдэж, тогтвортой, сэтгэл ханамжтай ажиллах нөхцөлийг бүрдүүлэх ач холбогдолтой юм.

Цаашлаад гэр бүлийг нь даатгалд хамруулснаар тухайн ажилтан ажилдаа анхаарлаа бүрэн хандуулж байгууллагын зорилго, зорилтод оруулах хувь нэмэр, ажлын бүтээмж нэмэгдэх ашиг тустай.