"Катар 2022" ДАШТ-ий D хэсэгт таарсан Австрали болон Данийн шигшээ багууд хэсгийн сүүлийн тоглолтоо хийж 1-0 харьцаагаар Австрали хожлоо.

Хожсон нь хэсгээсээ гарах учиртай ширүүн тулааны эхний үе таамаглаагүйгээр чимээгүй өнгөрөв. Харин хоёрдугаар үеийн дундуур Австралийн довтлогч Мэтью Леки олдсон боломжоо ашиглаж Австралид манлайлал авчирсан.

Тунисийг хожиж 3 оноотой болоод байсан Австрали хожих эсвэл тэнцэхэд хэсгээсээ гарах боломжтой учраас гоол оруулснаас хойш хамгаалсаар тоглолт өндөрлөлөө.

Ийнхүү Ази тивийг төлөөлөн оролцсон 6 багийн нэг Австралийн шигшээ баг D хэсгийн хоёрдугаар байраар шигшээ 16-д шалгарснаар хэсгээсээ гарсан эхний Ази баг боллоо.

Харин Кристиан Эриксен тэргүүтэй Данийн шигшээ баг гэртээ харилаа.

D хэсгийн өмнөх тоглолтуудын үр дүн:

• Дани 0-0 Тунис
• Франц 4-1 Австрали
• Тунис 0-1 Австрали
• Франц 2-1 Дани

Voo аппликейшн татах

• Android
• iOS