БНСУ-ын Чанвон хотноо болж буй буудлагын "Дэлхийн цом"-ын 25 метрийн спорт гар бууны эмэгтэйчүүдийн дасгалд өрсөлдсөн Отрядын Гүндэгмаа гавьяат олимпийн эрхээ авлаа.

Нийт 75 бууд МУХБ, МУГТ О.Гүндэгмаа 582 оноогоор 7-р байраар финалд шалгарсан.

Улмаар хагас финалд 18 оноо авч, алтан медалийн төлөө өрсөлдөхөөр шалгарснаар РИО-2016 Олимпийн наадамд оролцох эрхээ авлаа.

2008 оны Бээжингийн олимпийн анхны эрхийг эх орондоо авчирч байсан бол найман жилийн дараа ийнхүү дахин салхийг хагаллаа.

О.Гүндэгмаа гавьяатын дасгалжуулагч болон "Алдар" спорт хороо, "Эрдэнэт" үйлдвэр, "Хангарьд" спорт хорооны багш дасгалжуулагч, хамт олонд баяр хүргэе. 

Монголын бахархал болсон О.Гүндэгмаа гавьяатдаа амжилт хүсье.

25 метрийн спорт гар бууны эмэгтэйчүүдийн дасгалд нийт 75 буудагчаас
1. Монголын мэргэн бууч О.Гүндэгмаа
2. БНХАУ-ын залуу буудагч Лин Юемей
3. Болгарын буудагч, дэлхийн цомын аварга Бонева Антонета
.... 32. ОУХМ Т.Баярцэцэг 575
.....49. ОУХМ Ц.Мөнхзул 569