Тэрбумтан Илон Маск “Neuralink” компани нь хүний тархинд чип суулгах гурав дахь мэс ажилбар амжилттай болсныг зарлалаа.

Тэрбээр өөрийн цахим хуудсаар дамжуулан “Neuralink-ын чип суулгуулсан хүний тоо гурав боллоо. Тэд бүгд сайн байгаа” гэсэн байна.

Жилийн өмнө тус компани хүний тархинд чип суулгах анхны мэс ажилбараа хийж байв.

Үүнээс хойш төхөөрөмжүүдээ илүү олон электродтой болгосон, батарейн эдэлгээг удаашруулсан зэрэг олон сайжруулалт хийсэн гэдгийг Илон Маск хэлсэн. 

Түүний хувьд энэ жил чипээ 20-30 хүнд суулгах зориллготой байгаа гэдгээ мэдэгдсэн юм. 

Хүний тархинд чип суулгаснаар хүмүүс бодлоороо компьютер удирдах, тоглоом тоглох зэрэг боломжтой болгохоор зорьж буй.

Анхны чип суулгуулсан АНУ-ын иргэн Ноланд Арбау дөрвөн мөч нь саажилттай бөгөөд чип суулгуулснаар компьютерын төхөөрөмжийг чипийн тусламжтай удирдах боломжтой болсон юм. 

Эх сурвалж: АР