Porsche Cayenne загвар нь анх 2002 онд дэлхий дахинд танилцуулагдсан ба үүнээс хойш уг загвар нь дэлхийн хамгийн эрэлт хэрэгцээтэй тансаг зэрэглэлийн спорт SUV автомашин болж чадсан юм.

Харин 2024 онд Porsche брэнд нь илүү спортлог, хурц тод төрхтэй дараагийн түвшиний шинэ Cayenne загварыг танилцуулсан юм.

Шинэ Cayenne загвар нь 348 морины хүчин чадлаас 729 морины хүчин чадал хүртэлх Cayenne, Cayenne E-Hydbrid, Cayenne S, Cayenne S E-Hydbrid, Cayenne GTS болон Cayenne Turbo E-Hydbrid гэсэн загваруудтай бөгөөд хөдөлгүүрийн төрлөөс хамааран өөрт тохирох сонголтоо хийх боломжтой юм.

ГАДНА ДИЗАЙН
Шинэчлэгдсэн нүүр хэсэг нь автомашины өргөн цар хүрээг илэрхийлж, хүчтэй нумарсан далавч, шинэлэг загвартай капот болон орчин үеийн техниклэг хийцтэй их гэрлүүд нь машины спортлог, динамик байдлыг тодотгон харуулдаг. Гурван шинэ өнгө бүхий өргөтгөсөн өнгөний сонголт, Cayenne Coupé-д 33 кг хүртэл жинг хэмнэх маш хөнгөн спорт багц, 20-, 21-, 22 инчийн дугуйны өргөн сонголтууд нь шинэ Cayenne загварыг хэрэглэгчийн хүсэл сонирхолд нийцүүлэн гоёмсог байдлаар загварчлах боломжийг олгосон байна.

ИНТЕРЬЕР
Шинэ     Cayenne загварын жолооны хэсэгт анх удаа 12.6 инчийн бүрэн дижитал дэлгэцийг багтаасан  ба сонголтоор илүү сайжруулсан салхины шилэн дээрх head-up дэлгэц сонгох боломжтой. Стандарт 12.3 инчийн Porsche Communication Management (PCM) дэлгэц нь бүх шаардлагатай автомашины мэдээллийг жолоочид хялбараар харах боломжийг олгосон байна. Мөн хамгийн анх удаа 10.9 инчийн зорчигчийн дэлгэцийг байршуулснаар зөвхөн мэдээлэл хүргэх биш, харин урд суудлын зорчигчийн тухтай, хөгжилтэй аяллыг сайжруулах зорилготой бөгөөд тэдний аяллыг илүү утга учиртай, мартагдашгүй болгох юм.

ТЕХНОЛОГИ
Шинэ Cayenne загварын их гэрэл нь Matrix LED ба нэмэлтээр HD-Matrix LED гэрлийг сонголтоор байршуулах боломжтой. Өндөр нарийвчлалтай энэхүү их гэрэл нь 32,000 гаруй пикселтэй бөгөөд бусад замын хөдөлгөөнд оролцож буй автомашинуудад гэрэл гялбуулахаас сэргийлж, пиксел түвшинд гэрлийг хаадаг байна.

Porsche компани нь шинэ Cayenne загвартаа мөн агаарын чанарын системийг шинээр нэвтрүүлсэн. Стандартаар суурилагдсан энэхүү систем нь автомашин боломжит навигацийн дата ашиглан ойртож буй зам болон урт туннелийг мэдэрч, автоматаар агаарын сэлгэлт хийх горимыг идэвхжүүлдэг. Харин нэмэлтээр суурилуулах боломжтой нь нарийн тоосны ширхгийг илрүүлэх мэдрэгчтэй бөгөөд шаардлагатай тохиолдолд тоосыг шүүлтүүрт дамжуулж агаарыг цэвэршүүлдэг байна. Мөн ионжуулагч нь олон төрлийн нян, бохирдлыг цэвэрлэх боломжтой бөгөөд энэ нь харшилтай хүмүүст тус болох зорилготой агаарын чанарыг сайжруулагч юм.

Үүнээс гадна, хэрэглэгчид шинэ болон сайжруулсан жолоочийн туслах системүүдийн илүү өргөн хүрээнд ашиглах боломжтой болсон ба үүнд огцом эргэлтэд туслах Evasion Assist мөн хурдаа тохируулах боломжтой хурд түгжигч Porsche InnoDrive систем багтдаг. Энэхүү системүүд нь хурдны зам болон төв зам дээрх түгжрэл болон аливаа аюултай нөхцөл байдалд жолоочид туслах мөн аюулгүй байдлыг нь хангах юм.

Porsche нь шинэ Cayenne загвартаа стандартаар ган пүрштэй, Porsche Active Suspension Management (PASM) системийн амортизатораар тоноглосон. Хоёр хавхалгатай шинэ амортизаторууд нь бүх төрлийн жолоодлогын нөхцөлд оновчтой гүйцэтгэлийг биелүүлдэг. Энэ нь стандарт амортизатор болон өмнөх загварын автомашинуудтай харьцуулахад жолоодлогыг сайжруулж, автомашиныг тогтворжуулж, засмал зам болон шороон зам дээр хялбар жолоодох боломжийг олгодгоороо онцлог болсон.

ХӨДӨЛГҮҮРИЙН ТӨРӨЛ БА ХҮЧИН ЧАДАЛ
Porsche нь өмнөх V6 хөдөлгүүрийг шинэчлэгдсэн 4.0 литрийн V8 biturbo хөдөлгүүрийн хувилбарыг шинэ Cayenne S загварт сольсон ба энэхүү хөдөлгүүр нь хамгийн ихдээ 349 кВт (474 морины хүчин чадал) болон 600 Nm эргэлтийн хүч гаргах чадвартай бөгөөд өмнөх загвараасаа 25 кВт (34 морины хүчин чадал) болон 50 Нм-аар илүү юм. Энэхүү хөдөлгүүрээр SUV болон SUV Coupé загвар нь 100 км/цаг хүртэл ердөө 4.7 секундэд хүрэх чадвартай ба хамгийн дээд хурд нь 273 км/цаг байна. Шинэ Cayenne загвар нь 3.0 литрийн V6 турбо хөдөлгүүртэйгээр гарч байгаа ба энэ хөдөлгүүр нь 260 кВт (353 морины хүчин чадал) болон 500 Nm эргэлтийн хүч гаргах чадвартай болж, өмнөхөөсөө 10 кВт (13 морины хүчин чадал) болон 50 Nm-аар илүү болсон байна.

Мөн зургаан цилиндртэй хөдөлгүүр нь Cayenne E-Hybrid-ийн хөдөлгүүрийн үндсэн суурь болж шинэ цахилгаан моторын хүчин чадлыг 30 кВт-аас 130 кВт хүртэл нэмэгдүүлснээр (176 морины хүчин чадал) нийт хүчин чадал 346 кВт (470 морины хүчин чадал) болсон. Өндөр хүчдэлийн батарейгаар тоноглогдсон учир уг автомашин нь 17.9 кВт.ц-аас 25.9 кВт.ц хүртэл хүчин чадлыг нь нэмэгдүүлсэн бөгөөд зөвхөн цахилгаанаар 90 километр зайг туулах боломжтой болсон нь спорт ангиллын автомашинд дундаа үнэлэхүйц үзүүлэлт болж чадсан байна.

Шинэ Cayenne загвартай танилцахыг хүсвэл Шангри-Ла Улаанбаатар Төвд байрлах PORSCHE түр үзэсгэлэнгийн танхимаар зочлохыг урьж байна.

Ажиллах цагийн хуваарь: Мягмар - Бямба 11:00- 19:00
Porsche Улаанбаатар төв
Дэлгэрэнгүй: 7511-3911

ВЕДИО ТАНИЛЦУУЛГА: