Даваа гарагт Пакистан улсын өмнөд хэсэгт орших Синдх мужид агаарын температур цельсийн 52 хэм хүрч халсан байна. Энэ нь 2024 он гарсаар Пакистаны хамгийн өндөр халалтад тооцогдож байгаа юм.

Сүүлийн саруудад хүний үйл ажиллагаанаас үүдэлтэй уур амьсгалын өөрчлөлттэй холбоотойгоор Азийн орнуудад хэт халалт нэмэгдэж байгааг эрдэмтэд хэлсэн.

2017 онд Пакистанд агаарын температур цельсийн 54 хэмд хүрсэн нь тус улсын түүхэн дээд халалт болон бүртгэгдэж байв. 

Энэ нь Ази тивийн хэмжээнд хоёрдугаарт, дэлхийн хэмжээнд дөрөвдүгээрт бүртгэгдсэн өндөр халалт болохыг Пакистаны цаг уурын байгууллагаас мэдээлжээ. 

Тавдугаар сарын эхээр Вьетнамын Дун Най мужид тохиосон хэт халалтын улмаас нуурын эрэгт 200 тонн орчим загас үхсэн. Энэ нь дөрөвдүгээр сард Вьетнамын өмнөд хэсэгт цельсийн 40 хэмд хүрч халсан бөгөөд бороо ороогүй удсантай холбоотойг фермерүүд тайлбарласан. 

Мөн энэ жил Камбож улсад сүүлийн 170 гаруй жил дэх хамгийн халуун өдрүүд тохиосон юм.

Эх сурвалж: CNN